«Հույս ունենք, որ մինչև դեկտեմբերի 6-ը և հետո մեր քաղաքացիները մասնակցելով պայքարին՝ կդառնան ուղղորդողը, ջահակիրն ու իրավունքի պաշտպանը: Ով խոսելու է հարթակից, միանձնյա չի անելու»,- անդրադառնալով դեկտեմբերի 1-ին և դրանից հետո նախատեսված «Ոչ»-ի հավաքներին՝ լրագրողների հետ զրույցում ասել է «Ժառանգության» առաջնորդ Րաֆֆի Հովհաննիսյանը:
«Մեզ պետք է միասնական պայքար, ժողովուրդը պետք է դուրս գա փողոց, կամ էլ տանը նստի ու անիծի խավարը: Պետք է նորարարություն, թարմ շունչ, ժողովուրդը պետք է տեսնի, որ իրավատեր է ու իրեն է պատկանում շարժումը: ««Նոր Հայաստան» շարժումն այժմ ճշտում է մարտավարությունը, որն էապես տարբերվելու է նախորդ հանրահավաքներից»,- հավելեց նա: