Գերմանիայի իրավապահ մարմինները ձերբակալել են զենքի առուվաճառքով զբաղվող անձի, ով զենք է վաճառել նաև Փարիզի ահաբեկչությունները կազմակերպածներին: Ինչպես գրում է «Բիլդ»-ը, հենց այդ զինամթերքն էլ օգտագործվել է Փարիզը ցնցած ոճրագործությունների իրագործման ժամանակ:
Աղբյուրը նշում է, որ ահաբեկիչները Գերմանիայում ճապոնական արտադրության Կալաշնիկով տեսակի երկու ինքնաձիգ և հարավսլավական արտադրության «Զաստավա Մ 70» տեսակի երկու ավտոմատ են ձեռք բերել:
Ոստիկանները նշել են, որ ոմն Սաշա Վ.-ն նոյեմբերի 7-ին Փարիզից ժամանած արաբ տղամարդու է վաճառել վերոհիշյալ զենքը:
Նշվում է նաև, որ Սաշան ծնունդով Մագշտատդից է և Գերմանիայում աշխատելիս է եղել ինտերնետ հարթակում` որպես առևտրական:
Ավելի վաղ հաղորդվել էր, որ Փարիզում ահաբեկչություն կազմակերպածները զինամթերք պատվիրել են Գերմանիայից` համացանցի միջոցով: