Աշխարհահռչակ ռոք երգիչ Սերժ Թանկյանն իր «Ֆեյսբուք»-ի էջում անդրադարձել է Թուրքերի` ԻՊ ահաբեկիչներին ֆինանսավորելուն: Թանկյանն իր էջում տեղադրել է «Al Jazeera» կայքի` «Էրդողանը հերքում է այն լուրերը, որ Թուրքիան նավթ է գնում «Իսլամական պետություն»-ից» հոդվածը` թողնելով հետևյալ մակագրությունը. «Էրդողանը սույն հոդվածում պաթետիկ և ծիծաղելի կերպով փորձում է հերքել ակնհայտ փաստերը»:
Այնուհետև իբրև թե Էրդողանի անունից Սերժ Թանկյանը մեջբերում է հետևյալ գրառումը. «Իմ որդի Բիլալը ներգրավված չէ ԻՊ հետ նավթի ապօրինի վաճառքի գործընթացներում: «Իսլամական պետության» հրամանատարները Ստամբուլի սրճարաններում սուրճ չեն խմում, չեն բուժվում են մեր հոսպիտալներում և ոչ էլ մեր զինվորականները նրանց հատուկ տեսակի մահացու զինամթերք են տրամադրում: Իրականում մենք չենք կարող ասել տարբերությունը նրանց և մեր ժողովրդի միջև` բացառությամբ, իհարկե, միայն քրդերի ու հայերի։
Սուլթան Էրդողան»:
Հիշեցնենք, որ ավելի վաղ ռուսական ՍՈՒ 24-ի խոցման դեպքի հետ կապված Ռուսաստանը Թուրքիային մեղադրել էր ԻՊ ահաբեկիչներին ֆինանսավորելու և անմիջապես վերջիններից նավթ գնելու համար: