Հետաքրքիր է

Եթե սպասում եք, որ այս լուսանկարներում կգտնեք շատ նիհարած նախկին գիրուկի, սխալվում եք, քանի որ Փեթթի սանչեսը, թեև արդեն նիհարել է 108 կիլոգրամով, բայց դեռ չի ձերբազատվել ավելորդ քաշից: ԱՄՆ Նեվադա նահանգում ապրող կինն սկսել է արագորեն գիրանալ 2000 թվականից հետո, երբ հանդիպել է իր ապա զուգընկերոջը: Կինը պատմել է, որ վերջինն սկզբում չէր սիրում իր թմբլիկությունը սակայն հետո փոխել է իր հայացքներն ու բազմիցս խոստովանել, որ պաշտում է նրա ճարպաշերտերը, դրանք իր համար ֆետիշի աղբյուր են, և որ այդպես նրա հետ սեռական հարաբերություններն ավելի հետաքրքիր են: Փեթթին էլ, զուգընկերոջն ավելի գոհացնելու համար սկսել է ուտել օրական ավելի քան 13 հազար կկալ սնունդ և զարմանալի չէ, ոչ շուտով հասել է 327 կիլոգրամի:

Սակայն զուգընկերոջ հեռանալուց հետո նա վերանայել է իր կյանքն ու հասկացել, որ այս սննդակարգով նա իրեն դանդաղ մահվան է դատապարտում և անգամ բնական կարիքները հոգալը մեծ դժվարություն է դառնում:

Նա սկսել է խիստ դիետա պահպանել՝ հանուն իր առողջության, որդիների և թոռների: Նա արդեն 219 կգ է, սակայն մտադիր չէ կանգ առնել: