Միջազգային

ՌԴ վարչապետ Դիմիտրի Մեդվեդևը հայտարարել է, որ պաշտոնական Անկարայի մի շարք բարձրաստիճան պաշտոնյաներ նավթամթերք են գնում հենց «Իսլամական պետություն» ահաբեկչական խմբավորման զինյալներից: Այս մասին հաղորդվում է ՌԴ կառավարության պաշտոնական հայտարարության մեջ:

Մեվեդևի խոսքերով` Անկարան իր գործողություններից հստակորեն ցույց է տալիս, որ սատարում է «Իսլամական պետություն» ահաբեկչական խմբավորմանը: Դա, ըստ ՌԴ վարչապետի, զարմանալի չէ, եթե հաշվի առնվի այն փաստը, որ Անկարայի մի շարք բարձրաստիճան պաշտոնյաներ նավթամթերք են գնում հենց ԻՊ ահաբեկիչ-զինյալներից:

ՌԴ վարչապետն անդրադարձել է նաև Թուրքիայի կողմից խոցված ռուսական ռազմական օդանվի միջադեպին` նշելով, որ դա խարխլում է ռուս-թուրքական` տարիներով ամրապնդված բարեդրացիական հարաբերությունները: