Հյուսթոնում ընթացող ծանրամարտի աշխարհի առաջնության շրջանակներում այս գիշեր տեղի ունեցավ 77 կգ քաշային ծանրորդների պայքարը։ Այս քաշային կարգում Հայաստանը ներկայացնում էին Եվրոպայի գործող չեմպիոն Տիգրան Մարտիրոսյանը և Անդրանիկ Կարապետյանը։ Պոկում վարժությունում Մարտիրոսյանը ձախողեց իր մոտեցումները՝ չկարողանալով գլխավերևում պահել 163 կգ կշռող ծանրաձողը։ Տիգրանը «0» ստացավ և ոչ մի վարկանշային միավոր չբերեց մեր թիմին։ Հրում վարժությունում Մարտիրոսյանը հանդես չեկավ։ Կարապետյանը, պոկելով 167 կգ, զբաղեցրեց 3-րդ տեղը` նվաճելով փոքր բրոնզե մեդալ: Հրում վարժությունում նա 196 կգ արդյունքով 5-րդն էր: Երկամարտի 363 կգ արդյունքով Կարապետյանը զբաղեցրեց 4-րդ տեղը` անձնական քաշի պատճառով զիջելով բրոնզե մեդալակրին։