Փարիզում նոյեմբերի 12-ի երեկոյան տեղի ունեցած ահաբեկչությունների շարքից հետո ամենաարդիական հարցը դարձավ այն, թե ինչքան աջակիցներ և սատարողներ ունի «Իսլամական պետություն» ահաբեկչական խմբավորումը:
«Euronews»-ի փոխանցմամաբ, այս առիթով Brookings Institute-ը հատուկ հետազոտություն է անցկացրել և պարզել, որ «Թվիթեր»-ում իսլամիստներին ամենից շատ աջակցում և որպես հետևորդ են գրանցվում Սաուդյան Արաբիայի բնակիչները:
Հաշվարկվել է, որ ընդհանուր առմամբ «Թվիթեր» միկրոբլոգում Սաուդիան Արաբիայից 46 հազար օգտատեր կա գրանցված, որոնք հայտարարել են ԻՊ ահաբեկիչներին իրենց աջակցության մասին:
Ուսումնասիրությունները ցույց են տվել, որ Սաուդիան Արաբիայից հետո ահաբեկիչներին սոցիալական ցանցերում աջակցողների թվով երկրորդ տեղում է Սիրիան, երրորդում` Իրաքը. պետություններ, որտեղ տեղակայված են ծայրահեղական-ահաբեկիչների դիրքերը: