Թուրքական ռազմաօդային ուժերը Սիրիայի հետ սահմանում ռուսական МИГ29 կործանիչ են խոցել։ Այս մասին հաղորդում է Daily Mail-ը՝ հղում անելով Սիրիայում գտնվող իր աղբյուրներին։ Համաձայն տեղեկատվության՝ ռուսական ինքնաթիռը կրկին հատել էր Թուրքիայի օդային տարածքը, ինչի արդյունքում թուրքական օդուժն ամերիկյան արտադրության երեք F-16 ինքնաթիռներով գրոհել է ռուսական МИГ29-ը։ Ռուսական կործանիչի խոցման մասին տեղեկությունը հաստատել են նաև բրիտանական Express ու թուրքական Teknodeck լրատվական կայքերը։ Թուրքիայի և Ռուսաստանի պաշտպանական գերատեսչությունները դեռևս որևէ կերպ չեն մեկնաբանել МИГ29-ի խոցման մասին տարածվող լուրերը։