Այսօր ողջ աշխարհում նշվում է Հոգեկան առողջության միջազգային օրը: Տոնն առաջին անգամ նշվել է 1992-ին Հոգեկան առողջության համաշխարհային համադաշնության նախաձեռնությամբ:
Տոնի հիմնական նպատակն է հասարակության ուշադրությունը հրավիրել հոգեկան առողջության հիմնախնդիրների վրա:
ՀՀ գլխավոր հոգեթերապևտ, նևրոզների կլինիկայի ղեկավար Ցոլակ Հակոբյանի խոսքով` այսօրվա դրությամբ՝ ողջ աշխարհում դիտվում է սթրեսին առնչվող հոգեկան խանգարումների աճ, և Հայաստանը բացառություն չէ: «Նման հիվանդությունների թվում են նևրոզն ու դեպրեսիան»: Հոգեթերապևտի պնդմամբ` ժամանակին մասնագետին դիմելը թույլ է տալիս հասնել դրական արդյունքի: