Հոկտեմբերի 10-ի լույս 11-ի գիշերը լեռնային որոշ շրջաններում առկա է ցրտահարության վտանգ, այս մասին հայտնել է ՏԿԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը: «Ցրտահարության վտանգ կա Շիրակում, Լոռիում, Արագածոտնում, Կոտայքում, Գեղարքունիքում։ Ջերմաստիճանը կարող է նվազել մինչև -3 աստիճան»:
Նրա խոսքով՝ վաղվանից տեղումները հանրապետության տարածքում կդադարեն: