Լիտվայի Կլայպեդա քաղաքում ընթացող ծանրամարտի մինչև 20 տարեկանների Եվրոպայի առաջնության 77 կգ քաշայինների պայքարում Հայաստանի ներկայացուցիչ Նորայր Ավետիսյանը բրոնզե մեդալ նվաճեց: Նա, պոկելով 140 կգ և հրելով 175 կգ, երկամարտում գրանցեց 315 կգ արդյունք։ 317 կգ արդյունքով չեմպիոն դարձավ Բուլղարիայի ներկայացուցիչ Բոժիդար Անդրեևը: Նույն՝ 317 կգ արդյունքով, արծաթե մեդալի արժանացավ Ռումինիան ներկայացնող Իլյա Ստոյանը։