Իրադարձություններ

     «Արդյոք Հանրայինի քաղաքական, լրատվական, վերլուծական ծրագրերը սպասարկո՞ւմ են բացառապես իշխանության համար ընդունելի, չխանգարող, իշխանամետ, կամ իբր ընդդիմադիր գործիչներին: Որևէ բացատրություն կարո՞ղ եք հանրությանը ներկայացնել, թե ինչո՞ւ ԱԺ գործող պատգամավորը 4 տարի անընդմեջ ունենալով նախածգեր, ելույթներ, որևէ անգամ տեղ չի գտնում Հանրայինի եթերներում»,- դիմելով Հանրային հեռուստառադիոընկերության խորհրդի նախագահ Ռուբեն Ջաղինյանին՝ հարցրեց պատգամավոր Տիգրան Ուրիխանյանը:
     «Ուշադիր չեք հետևում: Կարծում եմ, որ ամեն տարի Հանրայինը փոփոխվում է, ամեն տարի ավելի քիչ են դրա հետ կապված հարցերը: Տարբեր տեղեր հայտնվում են մարդիկ ու դա ամեն տարի փոփոխվում է»,- ասաց Ջաղինյանը:
     «Չէի սպասում, որ կխոստովանեք, որ փոփոխության դինամիկա կա: Փոփոխությունը չպիտի հիմա սկսվեր, դա պիտի միշտ լիներ»,- արձագանքեց Ուրիխանյանը: