«Երբ Կենտրոնական բանկի, Կառավարության, Աժ ներկացուցիչները խոսում են տնտեսության զարգացման մասին, առաջին հարցը, որ ուզում եմ տալ՝ սա է, իյա՜, իրո՞ք, իրո՞ք Հայաստանում կա տնտեսություն, զարգացում, դրամավարկային քաղաքականություն: Այն, ինչի մասին խոսում են, մեծ վերապահումով է տնտեսություն անվանվում»,- ԱԺ-ում հայտարարեց պատգամավոր Նիկոլ Փաշինյանը՝ նշելով, որ ՀՀ բյուջեի եկամտային մասի առյուծի բաժինը ապահովում են տրանսֆերտները. «ՀՀ քաղաքացի Վարդանն, օրինակ, մեկնում է արտագնա աշխատանքի ու ամեն ամիս գումար է ուղարկում կնոջը: Վարդանի կինը ձեթ ու շաքարավազ է գնում ու գործարքի պահին, երբ խանութը պիտի ՀԴՄ տրամադրի, հարկ է առաջանում. խանութը հարկը վճարում է բյուջեին, ուսուցիչը դրանից գումար է ստանում ու էլի գնում, ձեթ ու շաքարավազ է առնում: Այսպես գոյանում է ՀՀ բյուջեի ներքին եկամուտների զգալի մասը: Եթե ՌԴ մեկնած Վարդանը կնոջը գումար չուղարկի, ուրիշ եկամուտ չունի կինը, որ գնա խանութ: Սա նշանակում է՝ ինչպիսին է իրավիճակը ՀՀ-ում, կախված է ոչ թե որևէ գերատեսչության որոշումից, այլ նրանից, թե Վարդանը Եվրոպայից, ՌԴ-ից կամ ԱՄՆ-ից ինչքան փող կուղարկի Հայաստան: Ու որ ասում են՝ վսյո ժե Ռոբերտ Քոչարյանի ժամանակ մարդիկ լավ էին ապրում, երկնիշ թվերով տնտեսական աճ կար, ասեմ, նրա ժամանակներում եթե երկնիշ թիվ էր, դա նրանից էր, որ Վարդանի գործերը ՌԴ-ում եռակի, քառակի անգամ լավ էին ու կրկնակի շատ էր գումար ուղարկում Հայաստան: Եթե Քոչարյանի տեղը Բաղրամյան 26-ում Բալաբեկ Վլասյանը լիներ, հարց ա՝ ավելի լավ կլինե՞ր, թե՞ վատ»,- նշեց պատգամավորը: