Խնդրում ենք սպասել...

Միջազգային

Այսպես շարունակելու դեպքում Ռուսաստանը կկորցնի Թուրքիային որպես իր բարեկամի. Էրդողանն սպառնացել է Ռուսաստանին

16:25, երեքշաբթի, 06 հոկտեմբերի, 2015 թ.
Այսպես շարունակելու դեպքում Ռուսաստանը կկորցնի Թուրքիային որպես իր բարեկամի. Էրդողանն սպառնացել է Ռուսաստանին

Թուրքիայի նախագահ Ռեջեփ Էրդողանը նախազգուշացրել է Ռուսաստանին, որ վերջինը կարող է Սիրիայում տիրող իրավիճակի պատճառով կորցնել Թուրքիային որպես իր բարեկամ և դաշնակից երկրի: Ինչպես հաղորդում է «Ռոյթերս»-ը, Էրդողանը նշել է, որ եթե Ռուսաստանը չփոխի իր քաղաքականություն Սիրիայում, ապա երկու երկրների միջև հարաբերությունները կարող են լուրջ վտանգի տակ դրվել:

«Բոլորին է հայտնի, թե այժմ ինչ լավ հարաբերությունների մեջ են գտնվում Թուրքիան և Ռուսաստանը: Սակայն եթե Ռուսաստանը կորցնի այնպիսի բարեկամի, ինչպիսին Թուրքիան է և որի հետ նա համագործակցում է բազմաթիվ ոլորտներում, նա շատ բան կկորցնի: Մոսկվան պետք է գիտակցի այդ ամենը»,- հայտարարել է Էրդողանը Բելգիայում այդ երկրի վարչապետի հետ համատեղ մամուլի ասուլիսի ժամանակ:

Թուրքիայի նախագահը Սիրիայի ուղղությամբ Ռուսաստանի օդային հարվածները կոպիտ սխալ է անվանել և հավելել, որ վերջինի կողմից իրենց օդային տարածքի խախտումը ոտնահարում է ՆԱՏՕ-ի շահերը:

9675 | 6
Facebook