Յանեկ Սեդլարը երիտասարդ ինքնուս լուսանկարիչ է, ապրում է Չեխիայում: Նրա լուսանկարները դիտողին տեղափոխում են բնանկարների կախարդական աշխարհ: «Իմ ոգեշնչումը ես գտնում եմ սովորական կյանքում, բնության մեջ, իմ զգացմունքներում: Այս անտառներում գտնվելն ինձ համար միևնույն է, թե վերադառնամ մանկություն: Այցելելով գեղեցիկին՝ ես կենսական էներգիա եմ հավաքում, որ հետո ուզում եմ փոխանցել իմ լուսանկարների միջոցով»,- ասել է Յանեկը: Այս լուսանկարներում նրա հայրենի Մորավիան է, ինչպես նաև՝ Սպիտակ Կարպատներ արգելոցը: