Բարաք Օբաման հաջողություն է մաղթել Ռուսաստանին` «Իսլամական պետության» ահաբեկիչների դեմ պայքարում: Նման հայտարարություն արել է նա` Սպիտակ տանը տեղի ունեցած մամուլի ասուլիսում: Օբաման ընդգծել է, որ ստեղծված իրավիճակում դեմ գնալ Մոսկվայի ղեկավարությանը, առնվազն հիմարություն կլիներ, այդ իսկ պատճառով ԱՄՆ-ն մտադիր է համագործակցել նրա հետ: «Ես ուզում եմ, որ Ռուսաստանի մոտ ամեն ինչ ստացվի: Նրա պայքարն ԻՊ-ի դեմ չի նշանակում հակառակորդ լինել Ռուսաստանի հետ»,- ասել է նա: