Փարիզի ամենասեքսուալ տապանաքարն ու դրա շուրջ հյուսված լեգենդը
 Փարիզի Պեր-Լաշեզ գերեզմանոցում հանրահայտ մարդկանց կողքին կան նաև ոչ այնքան նշանակալից մարդկանց տապանաքարեր: Նրանցից է ոմն լրագրող Վիկտոր Նուարեի գերեզմանն, ով մահացել է բավական արտասովոր պայմաններում: Խմբագրական վեճերից հետո նա 1870 թվականին դուելի է հրավիրել արքայազն Բոնապարտին: Ամեն ինչ ավարտվել է նրանով, որ Նուարը ապտակել է արքայազնի դեմքին, ի պատասխան վերջինը ատրճանակով սպանել է Նուարին: Եվ այս ամենը տեղի է ունեցել Նուարի հարսանիքից մեկ օր առաջ: Հայտնի է, որ Նուարի հուղարկավորությանը մասնակցել է մոտ 100 հազար մարդ, որոնց հուզել էր այն, որ Նապոլեոնի զարմիկը արդարացվել էր դատարանի կողմից: Որոշ ժամանակ անց Նուարի գերեզմանաթմբի վրա քանդակագործ Ժյուլ Դալուն կերտել է իրատեսական չափերի արձան, որը պատկերում է այն պահը, երբ նա անկենդան ընկել է գետնին: Առ այսօր ոչ ոք չգիտի, թե ինչու է այդ արձանի վրա սեռական օրգանի հատվածն այդքան արտահայտված: Այս կապակցությամբ կա մի լեգենդ, իբրև թե դիահերձարանում սպանվածի մոտ ուժգին էրեկցիա է դիտվել:  Տարիների ընթացքում Նուարի գերեզմանը դարձել է ուխտատեղի ընտանիք ու երեխաներ երազող կանանց համար:  Այս ամենի արդյունքում արձանի համապատասխան հատվածը հղկվել է փայլելու աստիճան:  Հետաքրքիր է, որ 2014-ին Փարիզի իշխանությունները քանդակը կանանց գրոհից պաշտպանելու համար ցանկապատեցին, սակայն կանանց ու մամուլի ճնշումների տակ ստիպված եղան քանդել արգելապատնեշը: |
