Կոնսուելո Լուսարդոյի կարիերան սկսվել է 13 տարեկանից, երբ առաջարկ է ստացել նկարահանվել ֆիլմերում:
Ծնվել է 1945-ին` Կոլումբիայում: Երկու անգամ ամուսնացել է, երկուսն էլ` անհաջող:
Հարցազրույցներից մեկի ժամանակ դերասանուհին խոստովանել է, որ իր հետ այնքան էլ հեշտ չէ, և որ բարդ բնավորության ու հպարտության պատճառով այսօր միայնակ է: «Անսահման սիրում եմ դերասանի իմ աշխատանքը: Նույնիսկ հավաքույթների ժամանակ, երբ հարազատներս ինչ-որ պատմություններ են պատմում, ես չեմ լսում նրանց, մտածում եմ միայն աշխատանքիս մասին»,- նշել է Լուսարդոն:
Դերասանուհուն մեծ ճանաչում է բերել «Բլանկոյի այրին» սերիալը, որտեղ նա մարմնավորում էր Դոնյա Պերֆեկտայի կերպարը:
Այսօր էլ շարունակում է նկարահանվել կոլումբիական ֆիլմերում և սերիալներում: