Ավստրիայի ոստիկանությունը հայտարարել է, որ իրենց հաշվարկներով այսօրվա ընթացքում Հունգարիայի սահմանով մոտ 10 հազար սիրիացի գաղթական մուտք է գործելու իրենց երկրի տարածք: Ինչպես հաղորդում է «Դեյլի Մեյլ»-ը, նախնական տվյալների համաձայն, նրանցից 4 հազարն արդեն ժամանել է Ավստրիա:
Հունգարիայից գաղթականները ժամանում են ավտոբուսներով:
Նշվում է նաև, որ առաջիկայում գաղթականների մեծ խմբի է պատրաստվում ընդունել նաև Գերմանիան: Գերմանիայի ոստիկանութունը տեղեկացրել է, որ մոտ օրերին երկիր է ժամանելու 5-10 հազար գաղթական: