«Քննարկումներն ինձ չհամոզեցին, որ պետք է անցնել պառլամենտական ձևին: Չեմ ընդունում երկրորդ փուլը, կայուն մեծամասնության թեզը»,- Սահմանադրական փոփոխությունների նախագծի քննարկման ժամանակ ԱԺ-ում ասաց ՀԱԿ-ից Հրանտ Բագրատյանը:
«Իրականում Սահմանադրության փոփոխության որևէ անհրաժեշտություն չկա: Մենաշնորհը, արտագաղթն այլ պատճառ ունեն և կապված չեն Սահմանադրության արատների հետ, այլ կապված են Սերժ Սարգսյանի կողմից կառավարվող ավազակապետության հետ»,- սա էլ պատգամավոր Լևոն Զուրաբյանի տեսակետն է: «Սերժ Սարգսյանը պատրաստվում է 2018-ի ապրիլի 9-ից հետո զբաղեցնել Աժ նախագահի պաշտոնը և նոր Սահմանադրության շրջանակներում շարունակել միանձնյա ղեկավարումը մեր երկրում»,- ասաց նա: