Ուկրաինայի նախագահ Պետրո Պորոշենկոյի կայքում` քաղաքացիական նախաձեռնությունների բաժնում, հայտնվել է ստորագրահավաք` Օդեսսայի նահանգապետ Միխայիլ Սաակաշվիլիին վարչապետի պաշտոնում նշանակելու նպատակով: Այս մասին գրում է «Գազետա»-ն:
Ստորագրահավաք անցկացնող անձի կարծիքով` Սաակաշվիլին այն մարդն է, որն ընդունակ է իրականացնել անհրաժեշտ բարեփոխումները, ինչպես նաև պայքարել երկրում առկա կոռուպցիայի դեմ:
Նշվում է նաև, որ այս պահի դրությամբ ստորագրահավաքին մասնակցել է 1700-ից ավելի մարդ: Նախաձեռնությունը կյանքի կոչելու համար անհրաժեշտ է 25 հազար մարդու ստորագրություն: