Իրադարձություններ

Սպառողների ազգային ասոցիացիայի փոխնախագահ, մարկետինգի, մոնիտորինգի բաժնի պետ Ռուբեն Հայթյանն այսօր լրագրողների հետ հանդիպմանը խոսեց սննդի ոլորտում մարզերում արված մոնիթորինգի մասին, որտեղ իրենց կողմից արձանագրվել է մի ուրախալի փաստ. «Մենք հանդիպեցինք գիտակից սպաառողների, ովքեր հետևում են ապրանքի և որակին, և ժամկետին»: Անդրադառնալով սննդի ոլորտում բացթողումներին՝ նշեց, որ մտահոգիչ է հացաբուլկեղենի հարցը. «Նույնիսկ վաճառողը չգիտի, թե որ ընկերության հաց է վաճառում…Տորթերի 40%-ն անհայտ ծագման է: Մտահոգիչ է հանգստյան գոտիներում գազավորված ըմպելիքի փաստը, որոնց ծագումն ու բաղադրությունը նույնպես անհայտ են»:
     ՄԱՄՈՒԼ.am-ի թղթակցի հարցին, թե տեղեկություն կա, որ կասկածելի արտադրության գազավորված ըմպելիքներ և անթույլատրելի սննդամթերք դպրոցներում էլ են վաճառվում, և ինչ է արվում այդ ուղղությամբ, Ռ. Հայթյանն ասաց. «Մենք մի քանի դպրոցներ ենք մտել, տնօրեններն ասել են, որ իրենց մոտ արգելվել են գազավորված ըմպելիքները: Սակայն խնդիրը նրանում է, որ երեխան, եթե դպրոցի բուֆետից չի գնում իր ուզած ըմպելիքը, դուրս է գալիս և մոտակա կրպակից է գնում: Եվ ստացվում է, որ խնդիրը չի լուծվում»: