Ինչպես արդեն
հայտնել էինք, ադրբեջանական կողմն այսօր երեկոյան կրկին սկսել է կրակել Տավուշի մարզի սահմանամերձ գյուղերի ուղղությամբ։
Քիչ առաջ Բաղանիսի գյուղապետ Նարեկ Սահակյանը ՄԱՄՈՒԼ.am-ի թղթակցին հայտնեց, որ կրակոցները սկսվել են մոտ ժամը 19-ից` սկզբում պաշտպանական դիրքերի ուղղությամբ, ապա` գյուղի, իսկ այս պահին դադարել են:
Նշենք` մամուլում տեղեկություններ կան, որ հակառակորդը հրետակոծել է Ոսկեպար-Բաղանիս շրջանցիկ ճանապարհը, կրակել` Ներքին Ծաղկավանի, Սևքարի, Բերքաբերի, Կոթիի ուղղությամբ, ինչի հետևանքով կան վիրավոր բնակիչներ: