ԱՄՆ-ի Սենթ Լուիս քաղաքում ավարտված «Սինքֆիլդի գավաթ 2015» մրցաշարում հաղթանակ է տոնել հայ առաջատար շախմատիստ Լևոն Արոնյանը։ Վերջին տուրում Արոնյանը ոչ-ոքի է խաղացել բուլղարացի շախմատիստ Վեսելին Տոպալովի հետ՝ վաստակած 6 միավորով գլխավորելով մրցաշարային աղյուսակը։ Հանդիպումից հետո Տոպալովը անդրադարձել է Արոնյանի հետ պարտիային։ «Արոնյանն այնքան լավ ու արագ էր խաղում, կարծես այդ ես չէի ամբողջ առավոտվա ընթացքում պատրաստվել այս տարբերակին, այլ նա»,- ասել է Տոպալովը։