Ուկրաինայի իրավապահ մարմինները ձերբակալել են այն անձին, ով Գերագույն ռադան հսկող ոստիկանների շարքի ուղղությամբ մարտական նռնակ էր նետել: Ինչպես գրում է «Korrespondent»-ն, այս մասին լրագրողների հետ զրույցում հայտնել է Կիև ոստիկանապետը:
«Նռնակը նետողին ձերբակալել ենք: Այժմ ճշտվում է նրա ինքնությունը»,- հայտարարել է Ալեքսանդր Տերեշչուկը:
Ավելի վաղ հայտնել էինք, որ պայթյունի հետևանքով վիրավոր ուժայինների թիվը հասել է 100-ի: Կիևի քաղաքապետ Վիտալի Կլիչկոն հայտարարել է նույնիսկ, որ պայթյունը նույնիսկ մի քանի մարդու մահվան պատճառ է դարձել: