Ուկրաինայի Անվտանգության խորհուրդը Ռուսաստանի Դաշնության քաղաքացի հանդիսացող 16 անձանց արգելել է մուտք գործել Ուկրաինայի տարածք: Այս մասին հաղորդում է «Ինտերֆաքս»-ը:
Աղբյուրը նշում է, որ Ուկրաինայի տարածք մուտք գործել արգելվել է հրապարակախոսներ Վլադիմիր Կուչերենկոյին, Եգոր Խոլմոգորովին և Միխայիլ Խազինին:
Ուկրաինայի Անվտանգության խորհուրդն առանձնացրել է նաև մշակույթի 14 գործիչների, որոնք վտանգ են ներկայացնում Ուկրաինայի ազգային անվտանգության համար: Այդ ցանկում են ներառվել նաև հայտնի երգիչ Ստաս Պիեխան և ռեժիսոր Նիկիտա Միխալկովը: