Հետաքրքիր է

Զարմանալի լուսանկարների հեղինակ է դարձել գրաֆիկական դիզայներ, ինդոնեզիացի Անդրի Պրիյադին: Նա պատմում է, որ ականատես է դարձել, թե ինչպես երիտասարդ, մոտ 30 սմ հասակ ունեցող կոկորդիլոսին 10 րոպե շարունակ «հետապնդել է» «խիզախ» խխունջը: Նա սողունի մեջքի վրայով առաջ է շարժվել, կանգնել ծնոտին ու նայել ուղիղ նրա երախի մեջ: Կոկորդիլոսը չի օգտվել համեղ ճաշի՝ ընձեռված հնարավորությունից, և խխունջը դարձյալ ետ է սողացել:
     Անգամ վայրի բնության լուսանկարիչները, որ շատ բան են տեսել ու լուսանկարահանել կենդանիների աշխարհում, այս լուսանկարներն իսկապես շատ զավեշտալի են համարել: