Այսօր լրագրողների հետ հանդիպմանը «Ո՛չ, թալանին» քաղաքացիական նախաձեռնության անդամները հայտնեցին, որ միանալու են սահմանադրական բարեփոխումների դեմ ծավալվող «Ոչ» շարժմանը:
«Մենք մեր ամբողջ ուժերով պայքարելու ենք, որպեսզի իշխանությունները զբաղվեն իրական խնդիրների լուծմամբ, այլ ոչ թե երկրում տեղի ունեցած այս թալանը, անպատժելիության մթնոլորտը բարդեն գործող Սահմանադրության վրա: Տպավորություն է ստեղծվում, որ եթե նոր Սահմանադրություն ընդունեն, իրենց սիրելի մարզպետը կամ մնացած իրենց սիրելի մարդիկ նորից չեն հայտնվի քրեական պատմությունների մեջ, բայց իրականում այդպես չէ»,- ասաց համակարգող խմբի անդամ Արթուր Քոչարյանը:
Նրա խոսքերով՝ հոսանքի թանկացումն իրենց կոկորդին դառնալու է ոսկոր և չեն թողնելու, որ մարսեն. «Միաժամանակ մենք պայքարելու ենք նաև Սահմանադրական փոփոխությունների դեմ»,- նշեցին բանախոսները: