Խնդրում ենք սպասել...

Իրադարձություններ

«Միջադեպն անտեղի հնչեղություն ստացավ». Գայանե Սողոմոնյանը` թիվ 125 դպրոցի տնօրենի հետ կապված միջադեպի մասին

15:38, չորեքշաբթի, 26 օգոստոսի, 2015 թ.
«Միջադեպն անտեղի հնչեղություն ստացավ». Գայանե Սողոմոնյանը` թիվ 125 դպրոցի տնօրենի հետ կապված միջադեպի մասին

«Ներառական կրթություն իրականացնող կամ չիրականացնող դպրոցներ այլևս չեն լինելու: Այս տարի ևս 6 դպրոց միացավ այդ ծրագրին: Իսկ 2025 թվականին նախատեսվում է, որ բոլոր դպրոցներն իրականացնելու են ներառական կրթություն»,- այսօր լրագրողների հետ հանդիպման ժամանակ ասաց Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը: Վարչության պետն անդրադարձավ նաև թիվ 125 դպրոցի աղմկահարույց միջադեպին, երբ դպրոցի տնօրենը հրաժարվել էր մանկական ուղեղային կաթված ունեցող 7-ամյա Արեգին դպրոց ընդունել: «Միջադեպն անտեղի հնչեղություն ստացավ, որն ուղղված էր տնօրենին: Մենք չունենք նման խնդիրներ»,- հավաստիացրեց Սողոմոնյանը` տեղեկացնելով, որ այդ երեխան` Արեգն, արդեն ընդունվել է Երևանի թիվ 84 դպրոց:
     Նշենքч Ներառական կրթության համակարգում ընդգրկված Երևանի թիվ 125 դպրոցի տնօրեն Լիլիթ Անտոնյանը հրաժարվել էր մանկական ուղեղային կաթված ունեցող 7-ամյա Արեգին դպրոց ընդունել: Երեխայի մայրը պատմել էր, որ տնօրենն իրեն աննրբանկատ է պահել և ասել, որ Արեգը շատ բարդ երեխա է և չի կարող իրենց մոտ սովորել:

8624 | 0
Facebook