Տոմսկի պետական համալսարանի ջրասուզորդները ղրղզ հնագետների հետ համատեղ պեղումների ժամանակ Իսսիկ-Կուլ լճի հարավային ափից մոտ 2 կմ հեռավորության վրա հայտնաբերել են սկյութների հին, ամրացված բնակավայրի ավերատեղ: Այդ վայրից գտնվել են հազարից ավելի արտեֆակտներ, որոնք մոտավորապես 2500 տարեկան են:
Գիտնականները ենթադրում են, որ բնակավայրը կառուցված է եղել Մետաքսի մեծ ճանապարհի վրա, որը ձգվելիս է եղել նաև Իսսիկ-Կուլ լճի ափով: Հետագայում լճի մակարդակը կտրուկ ավելացել է, և բնակավայրը հայտնվել է ջրի տակ:
Գտնված մետաղական կախոցները, ծիսական բրոնզե մանգաղի կտորը, 2000-ամյա կուժն ու այլ գտածոներ կմնան Ղրղզստանի տարածքում և կհետազոտվեն տեղի գիտնականների կողմից: