Ի՞նչ ենք ուտում, հագնում, դիտում

     Պարզվում է` մանղալի վրա արված խորովածը վտանգավոր է առողջության համար: Այս մասին հայտարարել են իրանցի գիտնականները: Համաձայն լաբորատոր փորձարկումների արդյունքների և համակարգչային մոդելավորման գործընթացների, գիտնականները պարզել են, որ փայտի վրա պատրաստված խորոված միսը` համեմված փայտի ծխի հետ, անչափ վնասակար է, թեպետ այս կարծիքի հետ շատերը համաձայն չեն: Նույն իրանցի գիտնականների համոզմամբ՝ այրվող փայտի ծուխը հավասար է ծխախոտի ծխին, ավելին, նրա վնասակար ազդեցությունն ավելի մեծ է, և մանղալում պատրաստված խորովածն օրգանիզմին պատճառում է նույնքան վնաս, որքան ծխախոտը: Ինչպես նշում է IRNA ինֆորմացիոն գործակալությունը, ծխում գոյություն ունեցող վտանգավոր միացությունները խորովածի կամ փայտի վրա այլ խորտիկների պատրաստման ժամանակ կարող են մեծացնել մարդու ԴՆԹ-ի մուտացիաների հավանականությունը հարյուր անգամ:
     Թե որքանով են ճիշտ իրանցի գիտնականները, պարզ չէ, բայց այն, որ հայը ոչ մի գնով չի հրաժարվի և առաջին իսկ հնարավորության դեպքում մանղալի վրա կշարի անուշաբույր խորովածը, փաստ է: