Վերջին օրերին ակտիվացել են խոսակցություններն այն մասին, որ առաջիկա օրերին Հայաստան են ներմուծվելու տեսանկարահանող նոր սարքեր, որոնք էականորեն տարբերվում են ներկայիս արագաչափերից ու տեսախցիկներից: Ասում են, նոր սարքերը փոխարինելու են խաչմերուկներում տեղադրված տեսախցիկներին:
Ասում են նաև, որ դրանց առանձնահատկությունն այն է, որ յուրաքանչյուր խաչմերուկում ֆիքսելու է ավտոմեքենայի տվյալներն, իսկ հաջորդ խաչմերուկում համեմատելու է նույն ավտոմեքենայի տվյալների հետ և ստուգելու, թե քանի րոպեում է տվյալ ավտոմեքենան մի կետից անցել մյուսը: Այդ համեմատության արդյունքում էլ որոշվելու է՝ արդյո՞ք տվյալ մեքենան խաչմերուկների միջև ընկած տարածքն անցնելիս չի գերազանցել սահմանված արագությունը: Եվ եթե արձանագրվել է սահմանված արագության գերազանցում, ապա վարորդը կստանա տուգանքի մասին ծանուցում: