Խնդրում ենք սպասել...

Իրադարձություններ

«Արարատի գագաթին շուրջպար պարեցինք ու 100 վայրկյան լռությամբ հարգեցինք անմեղ զոհերի հիշատակը». Գագիկ Գինոսյան

13:31, երկուշաբթի, 03 օգոստոսի, 2015 թ.
«Արարատի գագաթին շուրջպար պարեցինք ու 100 վայրկյան լռությամբ հարգեցինք անմեղ զոհերի հիշատակը». Գագիկ Գինոսյան

Այսօր` օգոստոսի 3-ին, ՀՀ մշակույթի վաստակավոր գործիչ, պարուսույց Գագիկ Գինոսյանի ծննդյան օրն է: Ինչպես նա նշեց ՄԱՄՈՒԼ.am-ի թղթակցի հետ զրույցում, կան անձնական միջոցառումներ, որոնք հրապարակայնացնել չի սիրում: «Այսօր այդ օրերից մեկն է, որն ամբողջովին աշխատանքային է լինելու»,- անկեղծացավ Գագիկ Գինոսյանն, ով երեկ է վերադարձել Արարատի բարձունքից: «Ցեղասպանության 100-ամյակի միջոցառումների շրջանակներում Արարատի գագաթին բազմամարդ խմբով, այդ թվում նաև «Կարին»-ը, շուրջպար պարեցինք, ազգային երգեր հնչեցին, 100 վայրկյան լռությամբ հարգեցինք անմեղ զոհերի հիշատակը»,- պատմեց Գագիկ Գինոսյանը:

Խոսելով «Ազգային երգ ու պար» առարկայի մասին, որը շուտով կդասավանդվի հանրակրթական 100 դպրոցներում, Գագիկ Գինոսյանը նշեց, որ այս պահին մասնագետների վերապատրաստման ծրագիրն են իրականացնում: «Սեպտեմբերից երևանյան 50 և մարզային 50 դպրոցներում կդասավանդվի ազգային երգ ու պար: Եթե կարողանանք իրականացնել այս ծրագիրը, կարծում եմ՝ մեր ազգային ինքնագիտակցության մեջ շատ բան կփոխվի»,- ասաց ծրագրի հեղինակ և պատասխանատու Գագիկ Գինոսյանը: Ամփոփելով` նա նշեց, որ ծրագրի իրականացման ճանապարհին օբյեկտիվ և սուբյեկտիվ խոչընդոտները շատ են, սակայն, «Կարին»-ի անդամները համառ են այդ հարցում:

6582 | 0
Facebook