Ամերիկյան «New York Times» պարբերականը՝ հղում անելով սեփական աղբյուրներին, նշում է, որ ԱՄՆ ներկայիս փոխնախագահ Ջոզեֆ Բայդենը պատրաստվում է իր թեկնածությունն առաջադրել Միացյալ Նահանգների նախագահական գալիք ընտրություններին:
Աղբյուրը նշում է, որ Բայդենի առաջադրվելը կարող է լրջորեն ազդել դեմոկրատների շարքերում ուժերի դասավորումների վրա և խոչընդոտներ ստեղծել նաև իր թեկնածությունն առաջադրել պատրաստվող Հիլարի Քլինթոնի համար:
Հաղորդվում է նաև, որ Բայդենի առաջադրելու պատճառը նրա՝ վերջերս մահացած որդի Բոն է, ով կենդանության օրոք խորհուրդ էր տվել հորը առաջադրվել երկրի նախագահի հաջորդ ընտրություններին: