Օգոստոսի 1-ին` ժամը 15.21-ին ԱԻՆ ահազանգ է ստացվել, որ Կոտայքի մարզի Ծաղկաձոր քաղաքում՝ ճոպանուղու մոտակայքում քաղաքացին ընկել է կվադրոցիկլից, որն էլ շրջվել է քաղաքացու վրա. անհրաժեշտ է օգնություն:
Դեպքի վայր է մեկնել Կոտայքի մարզի օպերատիվ խումբը:
Պարզվել է, որ դեռևս չբացահայտված հանգամանքներում Թեղենիսի լեռ, 2-րդ ճոպանուղու միջնամասում «Յամահա» մակնիշի (վարորդ ` 1995թ. ծնված Լ. Թ.) կվադրոցիկլը շրջվել է, ինչի հետևանքով վարորդ Լ. Թ-ը տեղում մահացել է:
Հրշեջ-փրկարարները հոսանքազրկել են կվադրոցիկլը:
Ըստ Գ. Շամշյանի տեղեկությունների` երիտասարդը ժամանել էր ԱՄՆ-ից` մասնակցելու Համահայկական խաղերին: