Ռուսական «Գազպրոմ»-ն ու թուրքական «Botas» ընկերությունները գազի սակագնի զեղչերի հարցում համաձայնության են եկել: Ինչպես հաղորդում է «ՏԱՍՍ»-ն, այս մասին հայտնել է ՌԴ էներգետիկայի նախարար Ալեքսանդր Նովակը:
ՌԴ էներգետիկայի խոսքերով` բանակցությունների արդյունքում կողմերը համաձայնության են եկել 10,25 % զեղչի շուրջ:
ՌԴ-ում Թուրքիայի դեսպան Ումիթ Յարդիմն ավելի վաղ հայտնել էր, որ գազի սակագինը միակ խնդիրը չէ, որի պատճառով ձգձգվում է թուրքական կողմի` «Թուրքական հոսք» գազատարի մեկնարկի համաձայնագիրը սկսելու համար:
«Ռոյթերս» գործակալության տվյալներով` ՌԴ նախագահի մամուլի խոսնակ Դմիտրի Պեսկովը հայտնել է, որ «Թուրքական հոսք»-ը քննարկելու նպատակով աշնանը սպասվում է նաև Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Էրդողանի հանդիպումը: