Այսօր` հուլիսի 31-ին ԱԻՄ առաջնորդ Պարույր Հայրիկյանը լրատվամիջոցների հետ միասին կհանդիպի Սահմանադրական հանձնաժողովի հետ` քննարկելու սահմանադրական բարեփոխումները:
Նա առաջարկվող սահմանադրական բարեփոխումների նոր նախագիծը որակել է որպես «չարափոխություն»:
«Մեր պահանջը հետևյալն է. ցույց տալ մեզ այն արձանագրությունը, որտեղ գրված է, որ դուք քննարկեցիք ԱԻՄ-ի ներկայացրած գրավոր բացարձակ ժողովրդավարության հայեցակարգը, և ինչ-ինչ պատճառներով մերժելի համարեցիք: Կամ էլ ասեք` չենք քննարկել, չենք նայել: Իսկ եթե դուք բազմակողմանի` այլընտրանքային հնարավորություններով, առաջարկներով քննարկման ընդունակ չեք, այդ դեպքում դուք ո՞վ եք, որ այս գործով զբաղվեք»,- նշել է Պարույր Հայրիկյանը: