«Carving» բառը (թարգմանաբար՝ փորագրություն) օգտագործվում է մի շարք իմաստներով: Խոհարարության ոլորտում այդ բառն օգտագործվում է սննդամթերքի տարբեր տեսակներից հետաքրքիր քանդակներ ստանալու արվեստը բնութագրելու համար, ինչպիսին են, օրինակ, իտալացի Վալերիանո Ֆատիկայի քանդակները:
Իտալացին հետաքրքիր աշխատանքներ է ստեղծում ձմերուկից, դդմիկից և սննդամթերքի այլ տեսակներից: Սակայն նրա աշխատանքներում յուրահատուկը նաև այն է, որ վերջինը լուսանկարում կամ տեսանկարահանում է իր աշխատանքների ստեղծման գործընթացը, որպեսզի ցանկացողները հնարավորություն ունենան կրկնել:
Վալերիանո Ֆատիկայի վերջին հետաքրքիր քանդակներից մեկը վիշապի՝ ձմերուկի փորագրությունից ստեղծված գլուխն է: