Թուրինի «Յուվենթուս»-ի պաշտոնական կայքը հայտնում է, որ ակումբի գլխավոր մարզիչ Մասիմիլիանո Ալեգրին մեկ տարով երկարաձգել է պայմանագիրն ակումբի հետ։ Հիմա մարզչի պայմանագիրն ակումբի հետ նախատեսված է մինչև 2017 թվականը։
Հիշեցնենք, որ իր մեկնարկային մրցաշրջանում Ալեգրին դուբլի հեղինակ է դարձել՝ հաղթելով Իտալիայի առաջնությունը և գավաթը։ Դա տեղի է ունեցել առաջին անգամ՝ 1995 թվականից ի վեր։ Բացի այդ թիմը հասավ մինչև Չեմպիոնների լիգայի եզրափակիչ։
Հիշեցնենք նաև, որ Ալեգրին «Յուվենթուս»-ի գլխավոր մարզչի պաշտոնում փոխարինել է Անտոնիո Կոնտեին։