Ադրբեջանի Շիրվան քաղաքում գտնվող և Պաշտպանական արդյունաբերության նախարարությանը պատկանող գործարանում այսօր տեղի ունեցած պայթյունի հետևանքով 30 մարդ տուժել է, իսկ 2-ը՝ մահացել:
Ինչպես հաղորդում է «РИА Новости»-ն, վիրավորներին տեղափոխել են Շիրվան քաղաքի կենտրոնական հոսպիտալ. նրանց վիճակը գնահատվում է միջին և թեթև ծանրության: Վիրավորներից 11-ն արդեն դուրս են գրվել տուն:
Հաղորդվում է, որ Բաքվից ընդամենը 120 կմ հեռավորության գտնվող գործարանում պայթյունը տեղի է ունեցել տեղական ժամանակով 12.00-ին: Ըստ Պաշտպանական արդյունաբերության նախարարության տեղեկության՝ տեղի ունեցածն ընդամենը «արտադրական վթար» է եղել: