Ռուսական «РИА Новости» կայքը, անդրադառնալով Երևանում ոստիկանների կողմից ձեռնարկված միջոցառումներին՝ ուղղված պողոտան բացելուն և երթեկությունը վերականգնելուն, գրում է.
«Երևանում ոստիկանությունն սկսեց ցրել Բաղրամյան պողոտայում էլեկտրաէներգիայի սակագնի թանկացման դեմ բողոքող մարդկանց ցույցը: Ոստիկանները նախ իրենց վերահսկողության տակ վերցրին ցուցարարների տեղադրած բարիկադները: Դրանից հետո ցուցարարները կենդանի պատ կազմեցին ոստիկանների դիմաց, սակայն վերջինները կարողացան հանել նրանց այդտեղից: Այն ցուցարարները, ովքեր այդ գործողությունների ընթացքում դիմադրություն ցույց տվեցին, ոստիկանությունը բերման ենթարկեց:
Հիշեցնենք, որ այսօր Երևանի ոստիկանությունը Բաղրամյան պողոտայում գտնվող ցուցարարներին մինչև
ժամը 12:30-ը ժամանակ էր տվել, որպեսզի ազատեն պողոտան և վերականգնեն երթևեկությունը»: