Երևանի փոխոստիկանապետ Վալերի Օսիպյանն առավոտյան շրջայց է կատարում Բաղրամյան պողոտայում: Նրա պահանջով մի խումբ ցուցարարներ հավաքեցին դրոշների ու պաստառների կոտրված ձողերը, քանի որ դրանք կարող են որպես մահակ ծառայել:
Այնուհետև Օսիպյանն սկսեց շրջել ցուցարարների միջով` բարի լույս մաղթելով նոր-նոր արթնացած ակտիվիվստներին:
Նա ևս մեկ անգամ ոստիկանության անունից հորդորեց ժողովրդին դադարեցնել անօրինական ցույցերը, բացել մայրաքաղաքի գլխավոր պողոտաներից մեկը: