«Որպես շարքային քաղաքացի եմ եկել, ցերեկն էլ եմ եղել 2 անգամ»,- ասաց այս պահին Բաղրամյան պողոտայում գտնվող «Ոչ թալանին» նախաձեռնության անդամ Վաղինակ Շուշանյանը:
«Թե հետագայում ինչ կկատարվի, հանրությանը կասենք վաղվա ասուլիսի ժամանակ, ոչինչ չենք բացառում մեր հետագա քայլերի հետ կապված: «Ոչ թալանինը» փոխել է պայքարի ֆորմատի ձևն ու ընդգրկում է այն մեխանիզմները, որով կարելի է պայքարել»,- ասաց նա:
Անդրադառնալով ՀՀ նախագահի վերջին որոշմանը` ակտիվիստն ասաց, որ դա հաղթանակ չէր, այլ հաղթանակի մի ձև:
«Կես քայլ առաջ դեպի այս կարգի իշխանությունները` հաղթանակի մի ձև է, բայց ամբողջությամբ չէ ու մեծ մասով չի բավարարում մեր պահանջներին»,- ընդգծեց նա: