Ինչպես հայտնի է, երեկ ուշ երեկոյան մահացել է ռուս երգչուհի ժաննա Ֆրիսկեն: Նրա հայրը «Կոմսոմոլսկայա պրավդա»-ի հետ զրույցում հայտնել է, որ դուստրը մահից առաջ 3 ամիս կոմայի մեջ է եղել: Հոր փոխանցմամբ` այդ մասին իմացել են միայն ընտանիքի անդամներն ու Ժաննայի 2 ընկերուհիները:
Այն հարցին, թե Ժաննայի մահից հետո ում հետ պետք է մնա նրա որդին, Վլադիմիր Ֆրիսկեն պատասխանել է. «Երեխան պետք է հոր հետ մնա: Եթե հայրը թույլ տա, որ մենք դաստիարակենք, բնականաբար, կօգնենք: Նա միայնակ չի մնա: Այժմ Պլատոնը Բուլղարիայում է»:
Ժաննայի հայրը տեղեկացրել է նաև, որ դստեր հուղարկավորությունը տեղի կունենա Մոսկվայում, հունիսի 18-ին: