Իրադարձություններ

     Այսօր՝ մայիսի 27-ին կառավարության նիստի ժամանակ ՀՀ վարչապետ Հովիկ Աբրահամյանը հետաքրքրվել է գազալցակայաններում տիրող իրավիճակի մասին` հաշվի առնելով վերջին շաբաթների ընթացքում արձանագրված պայթյունները. «Արմավիրի մարզում գտնվող գազալցակայանը, որտեղ երեկ պայթյուն էր տեղի ունեցել, վեց ամիս առաջ տուգանվել էր 1 մլն դրամով և հայտնաբերվել էին բազմաթիվ թերություններ: Ընկերությունը պետք է վերացներ, սակայն չէր արել»,- ասել է ՏԿԱԻ նախարարը:
     Արմեն Երիցյանը նաև տեղեկացրել է, որ արդեն հանձնարարել է ակտիվացնել գազալցակայաններում ստուգումները և խոստացել վարչապետին` ներկայացնել, թե ինչ իրավիճակ է այնտեղ, ինչ թերություններ կան, անհրաժեշտության դեպքում նաև դադարեցնել շահագործումը:
     Կառավարության ղեկավարը հանձնարարել է խստացնել անվտանգության ռեժիմների վերահսկողությունը և մշտապես հետևել դրանց:
     Հիշեցնենք, որ վերջին ամսվա ընթացքում գազալցակայաններում պայթունի երեք դեպք է գրանցվել, դրանցից մեկն էլ` Հարավ-արևմտյան թաղամասում էր: Օրեր առաջ ՄԱՄՈՒԼ.am լրատվականի թղթակիցը եղել էր վերոնշյալ հասցեում ու զրուցել տնօրենի հետ: Թեմային կարող եք ծանոթանալ մեր` «Մերսեդես»-ը պայթեց էդ դադարի ընթացքում. Գոռ Գալոյան» հոդվածում: