Բանգլադեշի իրավապահ մարմինները ձերբակալել են «Coca Cola»-ի տեղի գրասենյակի աշխատակիցներից Ամինուլ Իսլամ Բեյգին: Ինչպես հաղորդում է «Բլումբերգ»-ը, «Coca Cola»-ի աշխատակիցը ձերբակալվել է՝ ԻՊ շարքերին հարելու մեղադրանքով: Պարզվել է՝ 38-ամյա Բեյգն արդեն երկար ժամանակ գլխավորելիս է եղել Բանգլադեշում գործող ԻՊ զինյալների խումբը:
Աղբյուրը նշում է, որ Բեյգի հետ ձերբակալվել է ևս մեկ անձ՝ 30-ամյա Սակիբ բին Քամալն, ով աշխատել է որպես ուսուցիչ:
«Coca Cola» ընկերությունը ոստիկանությանն ուղղված էլէկտորնային հաղորդագրության միջոցով հաստատել է, որ Բեյգն իրենց ընկերության աշխատակիցն է և խոստացել է ամեն կերպ աջակցել դեպքի հետաքննությանը:
Հաղորդվում է նաև, որ անցած տարվա ընթացքում ոստիկանությունը Բանգլադեշում ԻՊ շարքերին հարելու կասկածանքով արդեն 14 մարդ է ձերբակալել: