Իրադարձություններ

     «Մեր խափանման միջոցը փոխվեց ստորագրության` քաղաքից չբացակայելու վերաբերյալ: Մեր ամբողջ շարժումը շարունակում է մեղադրյալների աթոռին նստած մնալ: Այդ ամբողջ ընթացքում, քանի դեռ մենք ձերբակալված էինք, երկրում մեծացան ճնշումները, ոստիկանապետության մեքենան սկսեց իրեն շատ ազատ զգալ, մեղադրանքներ ներկայացնելու և տարբեր անօրիանական գործողությունների հարցում»,- այսօր «Հայացք» ակումբում ասաց «Հիմնադիր խորհրդարանի» անդամ Գարեգին Չուգասզյանը՝ նշելով, որ իշխանությունը փորձ արեց անցում կատարել շարժումն արգելափակելուն` ցույց տալով իր դեմքը: Ըստ Չուգասզյանի` իշխանությունների բռնությունները բերեցին նրան, որ շարժումը ձեռք բերեց շատ ավելի մեծ հեղինակություն, ընդլայնվեց համագործակցությունն ուրիշ ուժերի հետ: «Ռեժիմին չհաջողվեց մեզ ծնկի բերել: Ռեժիմը ցույց տվեց, թե ինչից է շատ վախենում` քաղաքացիական անհնազանդության ըմբոստությունից, որը կարող է պարտադրել իր հեռացումը: Ռեժիմն արտաքին և ներքին անկայունության վիճակում է գտնվում: Մեր կարծիքով` սա սկիզբն է»,- շարունակեց ՀԽ անդամը` հավելելով, որ պատրաստ են համախմբման գնալ ընդդիմադիր այն ուժերի հետ, որոնք իրենց պաշտպանել են: