Ավարտին մոտեցավ Ավստրիայի մայրաքաղաք Վիեննայում ընթացող «Եվրոտեսիլ 2015» երգի միջազգային մրցույթի կիսաեզրափակիչ առաջին փուլը։ Հայաստանը ներկայացնող «Genealogy» խումբը հիանալի ելույթ ունեցավ և դուրս եկավ եզրափակիչ։ Բացի Հայաստանից՝ եզրափակիչ փուլ դուրս եկան ևս 9 երկրներ՝ Ալբանիան, Ռուսաստանը, Ռումինիան, Հունգարիան, Հունաստանը, Էստոնիան, Վրաստանը, Սերբիան և Բելգիան։
Հիշեցնենք, որ երկրորդ կիսաեզրափակիչ փուլը տեղի կունենա մայիսի 21-ին, իսկ եզրափակիչը՝ մայիսի 23-ին։