Ի՞նչ ենք ուտում, հագնում, դիտում

     Դդմիկն արդյունավետ մթերք է նրանց համար, ովքեր ձգտում են ազատվել ավելորդ քաշից, քանզի այն արագ հագեցնում է քաղցը` սահմանափակելով ուտելու ցանկությունը, ասում են դիետոլոգները` նիհարել ցանկացողներին խորհուրդ տալով դդմիկ օգտագործել:
     Ի դեպ, այս բանջարեղենը հարուստ է B, C և PP վիտամիններով, մեծ քանակությամբ կալիում և մանգան է պարունակում: Օգտակար է աղեստամոքսային համակարգի խնդիրների, խոլեստերինի, սրտի հիվանդությունների, սակավարյունության դեպքում. օրգանիզմը խարամներից մաքրող արդյունավետ միջոց է:
     Կոսմետոլոգներն էլ խորհուրդ են տալիս դդմիկը կիրառել դեմքի մաշկի խնդիրների դեպքում, քանի որ այն թարմացնում, սպիտակեցնում և երիտասարդացնում է մաշկը: