Բրիտանացի արտադրողները որոշել են թողարկել տիկնիկներ, որոնք կունենան սահմանափակ հնարավոություններ: Այս տիկնիկները նախատեսված են հաշմանդամ երեխաների համար, որպեսզի նրանք չզգան իրենց մեկուսացած ու հանրությունից վտարված, այլ հասկանան, որ մյուսներից տարբեր լինելը միանգամայն նորմալ երևույթ է:
Այս տիկնիկներն ունեն շարժողական, լսողական խնդիրներ, բնածին մեծ խալ և այլն:
3D-տպիչի շնորհիվ արդեն թողարկվել են նմանատիպ 3 տիկնիկներ:
Մեկ տիկնիկի արժեքը կլինի 69 ֆունթ սթերլինգի սահմաններում: Արտադրողները մտադիր են նաև ստեղծել տիկնիկներ՝ ըստ պատվերի: Դա նշանակում է, որ ծնողները կարող են պատվիրել այնպիսի ֆիզիկական արատով տիկնիկներ, ինչպիսի արատներով որ տառապում են իրենց երեխաները: